ಕರಿಂಜೆ ಅಜ್ಜೊಟ್ಟು ಮನೆಯ ಬೆನೆಡಿಕ್ಟಾ ಪಿರೇರಾ ನಿಧನ

ಮೂಡುಬಿದಿರೆ : ದಿ. ಲಾರೆನ್ಸ್ ಪಿರೇರಾ ಅವರ ಪತ್ನಿ, ಪುರಸಭಾ ವ್ಯಾಪ್ತಿಯ ಕರಿಂಜೆ ಅಜ್ಜೊಟ್ಟು ಮನೆಯ ಬೆನೆಡಿಕ್ಟಾ ಪಿರೇರಾ (88) ಅವರು ಅಲ್ಪಕಾಲದ ಅನಾರೋಗ್ಯದಿಂದ ಮಂಗಳವಾರ ಬೆಳಿಗ್ಗೆ ಸ್ವಗೃಹದಲ್ಲಿ ನಿಧನರಾದರು.

ಶ್ರಮಜೀವಿಯಾಗಿದ್ದ ಅವರು ಕೃಷಿ ಕಾಯಕದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು. ಅವರು ಇಬ್ಬರು ಪುತ್ರರು ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

ಅಂತ್ಯಕ್ರಿಯೆ ಬುಧವಾರ ಗಂಟಾಲ್ ಕಟ್ಟೆ ಚರ್ಚ್‌ನಲ್ಲಿ ನಡೆಯಲಿದೆ.